فين المشاركة ياجماعة

السلام عليكم ورحمة الله وبركاته

فين المشاركات يا جماعة ....؟؟؟

العبارة دي بتكرر كتير مش بس بتتكتب لأ دي بتتكرر كمان في اذهاننا

لما الواحد منا يكتب موضوع ويعده وبعدين ينتظر كلمة شكر

وينتظر .............

وينتظر...............

وبرده مافيش حد بيرد

هنا ان لازم أذكر نفسي بموضوع مهم جدا

وهو...........


الاخلاص لله عز وجل في العمل

ايوة الاخلاص

مستغربين ليه

هتقولوا بس احنا كلنا داخلين باسماء مش اسماءنا وما فيش حد عارف شخصية التاني

بس برده مش معنى كده ان الاخلاص متوفر

بصوا

لو انت عملت عمل من المفروض انه لله ثم انتظرت فيه الثواب من غير الله ((ولو كلمة شكر)) يبقى كده رياء

ياااااااااه رياء مرة واحده كده

يعني العمل ما خدش ثوابه

بصوا يا جماعة موضوع الاخلاص موضوع حساس جدا فلازم تخلي بالك

وطبعا ده مش معناه ان البهوات اللي بيقرأوا الموضوع ما يعلقوش

طب ليه ؟؟

هتخس يعني ؟؟

قول كلمة شكر بنية انك بتشجع اخوك المسلم على الاستمرار في العمل

وبرجع اقول واوجه الكلام تاني للبيه اللي كتب الموضوع ومالاقاش ردود كويسة

ده اختبار من الله عز وجل ليرى هل انت مخلص ام لا ؟؟

لو كنت تريد الثواب من الله فالله يعلم ويراك وانت تكتب وتجتهد في اعداد الموضوع

ولن يحرمك الله من ثوابك (اللهم امين)

استنى

رايح فين

عايز اقولك حاجة كمان مهمة اوي

اوعى تفهم ان معنى كلامي انك تبطل كتابة على المنتدى

ابدا انا ما قصدش كده

انا باقولك اكتب لكن اخلص النية لله

وباقول للشخص اللي بيقرا رد مش ها تخسر حاجة بل هتكسب

كمان معلش كلمة اخيرة وخلاص

لازم كلنا قبل ما نقعد على الكمبيوتر ونبدأ في قراءة أو اعداد أي موضوع نسأل نفسنا السؤال ده

احنا بنعمل كده ليه ؟؟

والاجابة لازم تكون

لله........لله.........

مش لحد غيره
علشان ما نضيعش وقت كبير وما نخدش حسنات

ولازم تقنع نفسك بيها

لان ببساطة ما فيش حد هيديك حاجة ولا هيفيدك بحاجة الا الله

يعني هتكسب ايه لو كل الناس اللي في المنتدى قالوا عليك انك عضو ممتاز وأنت عند ربنا حاجة تانية

يا جماعة

اجعل هدفك

((والعصر إن الإنسان لفي خسر إلا الذين آمنوا وعملوا الصالحات وتواصوا بالحق وتواصوا بالصبر ))

اصلاح نفسك والنهوض بها وبمن حولك

من أجل الوصول الى الغاية العظمى

وهي الجنةوالنجاة من النار

اخواني

شكرا وجزاكم الله خيرا