الدليل على وجود روح عبدالوهاب مع الفرقه فى اخر بطولتين

روح محمد عبدالوهاب معانا
جمله اتذكرت كتير لكن هى فعلا روحه كانت مع الفرقه او بمعنى اخر ربنا كان بيكرم الفرقه عشان روحه
يوم ماتش الصفاقسى انا كان عندى يقين اننا هنفوز عشان خاطر محمد حتى لما الوقت الاصلى خلص كنت متاكده ان الاهلى هيجيب وهيحقق حلم محمد الله يرحمه .

الدليل هو:

اولا:الهدف ابوتريكه عمره ما كان اشول اللى كان اشول الله يرحمه هو محمد دا غير ان دى هى نفس نوعيه اهداف محمد والهدف ده يشبه لحد كبير هدفه فى الكروم .

ثانيا: الكوره قبل ماتوصل لابوتريكه ما اتلعبتش غير من " 3 " لعيبه شادى ..متعب ..فلافيو ومحمد كان رقمه ايه "3" .

ثالثا:الماتش كان باقى عليه " 3 " دقايق ويبنتهى لما الجون دخل وبرضه محمد رقمه "3" .

رابعا:دى كانت البطوله " 3 " للاهلى بعد التعديل وبالتالى الاهلى احتفظ بالكاس ورقم محمد برضه "3".

خامسا كلمه ابوتريكه لما قال (بامانه فى ماتش الصفاقسى لما الكوره دخلت الجون شفت صوره محمد عبدالوهاب)

اما فى بطوله كاس العالم

اخدنا المركز التالت وهو رقم محمد
دة غير ان الهداف من الاهلى ابوتريكه "3" اجوان برضه رقم محمد
الاهلى اقوى هجوم احرز 5 اهداف ودخل فيه هدفين يبقى الفرق "3" اهداف وهو برضه رقم محمد

فى النهايه ياريت كلنا ندعى له بالرحمه
واستحلفكم بالله اللى يقرأ هذا الموضوع يقرأ على روح محمد الفاتحة

ثانكس علي التوبيك
فعلا روح عبدالوهاب سكنت في قلوب الناس جميعا
والف رحمة عليه

ميرسى يا قمر على مرروك

ربنا دخله اوسع جناته

ميرسي علي التوبيك

ربنا يرحمة