انا ونفسي في قاعدة..هتستمتعوا...

مسا ولا صباح ولا تفرق بالمرة

قاعد أنا كده مع نفسي فقعدة من قعدتنا اللي موش بتخلص

عزمت عليها بسيجارة قالتلي يا عم أرحمني أنا خلاص ضعت منكـ

قلتلها خلاص أولع أنا

و ولعت السيجارة

و عزمت عالواد صاحبي بسيجارة

و قعدت ساكت

نفسي : ايه مالكـ مكتوم ليه

أنا : مفيش في ايه يعني

نفسي : يعني ايه مفيش يعني أنت عاوز تفهمني أنكـ قاعد كده و لا فالدماغ؟؟

مستحيل طبعاً دا أنا نفسك و عرفاكـ كويس

بتفكر فأيه؟؟؟؟

<< عارفين أصعب حاجة أن الواحد يقعد مع نفسه بتبأه قفشاه كده فكل حاجة ..... المهم >>

أنا : عادي يعني و النبي سيبيني فحالي

نفسي : خلاص أديني أتكتمت اهه

تامر عاشور : كلموها عني من بعيد لبعييييييييييد عرفوها أني لسه بأحبهاااااااااا

أنا : أطفي الزفت ده

نفسي : موش انت اللي مشغله

أنا : اه صحيح

<< و هنا بصتلي نفسي بصة كده تحسسك أنكـ أتكشفت يا حلاوة >>

نفسي : لسه مصمم برده

أنا : عايزة ايه من الأخر

نفسي : أحكي يا عم مالك فيه ايه؟؟

أنا : ليه يعني هو انا مجنون عشان أحكي معاكي

نفسي : لأ العفو أنا اللي بنت مجانين

أنا : طب خلاص هأحكي

نفسي : ماشي

أنا : بس تسمعي للأخر

نفسي : خلاص قلنا أحكي

هنا بصيت انا للسما و ركزت اوي ف حتة و لا فيها أي حاجة و لا حتي نجمة عبيطة فكرت تطلع الساعة 12 باليل

و أخدت نفس من السيجارة

""
مستعجب أنا والله يا نفسي ........ ايه اللي بيحصل فالدنيا ده ....... علي
يعني الناس بيعملوا فبعض كده .......... كل واحد شايف نفسه عالتاني
.......... كل واحد شايف أن التاني هو اللي لازم يقل من نفسه موش هو اللي
يقل من نفسه ....... ""

عندكـ مثلاً الحوار بتاع الواد أمير مع مني

حاجة غريبة والله

أنا مسكت الموبايل بتاع الواد لقيت عليها كمية رسايل من البت

ايييييه

و كلام من اللي يدوخ ده

و تيجي ف الأخر

تعملها معاه

علي ايه يعني

دي حتي بت تعبانة

علي ايه التناكة دي كلها

نفسي : عادي يعني

أنا : هو أنا موش قلت أنكـ تتكتمي لحد لما أخلص

نفسي : ماشي يا عم الأمور لخص

أنا : هو كل البنات كده

اه كل البنات كده

البنت من دول تقعد معاها فالجامعة شوية

تعرف عليها

تحكي معاها

تهزروا مع بعض

تخرجوا مع بعض

و تلعبوا مع بعض

و كله كوم يا نفسي و اللعب مع بعض دا كوم تاني خالص

نفسي : تنهيدة طوييييييييييلة<< تقصد يعني تقول يا مسهل يعني >>

تبأوا قاعدين كده شلة كبيرة خمستاشر واحد و لا بتاع بتلعبوا ( بوتيل ) أو ( الصراحة )

و يجي الدور عليكـ أنكـ تسألها

السؤال : ايه رأيك فالحب

تلاقيها فرشتلك الدنيا ورد بمبي و الحياة طلعت معاها بينكت ع الأخر

تفرح أنت بأه البت طلعت رومانسية فيه أمل

يجي عليك الدور تاني تسألها هي هي البنت

السؤال : أنتي حبيتي كام مرة قبل كده

تلاقيها سكتت

تعرف انا عمري موش حبيت قبل كده بس نفسي أجرب الحب

تطير من الفرح
لولولولولووووووووووووولي زغرتي يا أمي الأمل بيكبر

خلص اليوم كله يروح

الحلقة الأولي دي

أشوف أي مسئول يجي يثبت التوبيك و أنزل بالتانية

شكرا درش ع التوبيك

ميرسي يا درش
تسلم ايدك

الاول ... التوبيك لازم يثبت

ثانيا....بجد يا درش كلامك جميل اووووى
واسلوبك اجمل
وانا واحد من اللى بينتظرون كتاباتك بجد

ثانكس ع التوبيك الجميل اوووى ده
وتم التثبيت

دلوقتي الساعة بتاع اتناشر ونص كده

المنظر ليل داخل << موش داخلي أوي يعني >> فالـ بلكونة و الدنيا نار و الحياة أخر بهدلة والتكييف باظ

المود زفت ع الأخر و قمة القرف

الشخصيات أنا و نفسي و السيجارة اللي موش راضية تخلص << فيها ايه السيجارة دي؟!! >>

نفسي : ايه يا حاج موش ناوي

أنا : موش ناوي ايه؟؟؟

نفسي : تديني سيجارة << خخخخخخخخخخخخ >>

أنا : و هو ده وقت هزار أنتي راخرة

نفسي : عادي يعني موش ناوي تكمل كلام معايا

إيساف : أتاريني علقت روحي بأحبال دايبة ضيعت وقتي فمجازفة خايبة مشيت ورا قلبي و أخترتكـ ضحيتلكـ ضحيت بيا
<< جه منين ده؟؟؟!!!!>>
أنا : هههههههههههههه

نفسي : بتضحكـ علي ايه يا عم أنت أنت أتجننت و لا ايه

أنا : أه يظهر كده أصله بيتهيألي كده و الله و أعلم اني بأكلم نفسي

نفسي : لا يا راجل دي كلها تهيؤات

ا

أنا : يا ستي و النبي سيبني فـ حالي موش طالباكي

نفسي : طب بوص انا هأريحكـ أنت بس أتكلم و انا موش هتسمعلي صوت خالص

أنا : اوكـ بس لامؤاخذة يعني أروح أعمل كوباية كاكاو و أولع سيجارة و أجي

خمسة و جاي

أنا : يا ريتني كنت سمعت كلامكـ يا شيكو
نفسي : تقصد ايه يعني تقصد أنكـ موش كنت عاوز تقعد معايا تاني

أنا : يا ستي مكنتش أقصد حاجة و بعدين احنا موش قلنا أنكـ موش هتتكلمي؟؟؟؟

نفسي : خلاص يا عم خلص

أنا : يا ريتني كنت سمعت كلامكـ يا ميدو

نفسي : مين ميدو ده كمان

أنا : دا واحد كده كننا فـ يوم مـ الأيام أكتر من أخوات

نفسي : ايوة يعني يا ريتكـ كنت سمعت كلامه فأيه بالظبط

أنا
: ياما كان يقلي يابني أبعد عن سككـ الحب و الكلام ده قضي حياتكـ و عيش
يومينكـ و أنا كنت ساعتها بأضحكـ فسري و أقول << يا شيخ أتلهي
الكلام ده قوله لنفسكـ و شوف البت اللي مشحوراكـ وراها بقالها سنتين
>>

نفسي : المهم .....

أنا : المهم يا ستي ،،، فاكرة الحوار اللي كننا بنتكلم فيه المرة اللي فاتت

نفسي : طشاش كده

انا : كويس ،،،، بعدها و من غير تفاصيل موش عارف أزاي قلت أول كلمة بحبكـ من قلبي

و برده موش عارف أزاي حسيت أني لقيت البنت اللي ياما كنت أتمناها

و برده موش عارف أزاي زي الأزايين اللي فاتوا دول فكرت و لأول مرة تفكير جامد أوي فحكاية الإرتباط الرسمي

نفسي : طب يا سيدي كويس

أنا : لأ موش كويس ،،،،،، موش كويس خالص

عارفة ليه موش كويس؟؟؟!!!

نفسي : :ليه:

أنا : و أنتي هترعفي منين يعني ،،،، أقلكـ أنا يا ستي

لأني
بعد ما عشت نفس اليومين اللي عشتهم فكل مرة تفاريح و بعد ما قضيت كام يوم
كده يعتبروا أحسن الأسوأ في حياتي الحكاية أبتدت تبأه غم

موش عارف أنا البنات دول مبيفهموش و له مبيحسوش و له ايه بالظبط

يعني الواحد ممكن يقعد مع البنت من دول ساعات و ايام و شهور و سنين بيحاول يفهمها ان كذا بيضايقه و ياريت موش يحصل تاني

و هي و لا هي هنا و لا كأن كان فيه كلب بيهوهو جنبها

و هي بأه لو الواحد غصب عنه عمل حاجة تضايقها و لو لمرة واحدة بس

يا لهووييييي

تبأه مصيبة

و هو مبيحسش

و مبيفهمش

و هي موش غالية عليه

يعني هو المفروض أن الواحد قبل ما يعمل حاجة يفتح المندل قبل ما يعملها

ععععععععععععععععـ

حاجة تخنق

المهم يا ستي

هنكمل مع بعض النهاردة بس هأروح أشوف حاجة أعملها

anta lazm t2lf ktab ya 3am
bgd bsm allah masha2 allah 3la kalamak
thnxs leeeeeeeeeeek kteeeeeeeeeeeeer

الله يخربيت السيجاره ياشيخ اللي معاك ع طول ديه

بس كلامك جامد

تسلم ايديك يلا بقا حط الباقي بسرعه

انت هتذلنا ولا ايه

الدنيا بقيت زحمة أوي

البيوت زحمة ( حتي لو فيها تلاتة أو أربعة )

تلاقي كل واحد مشغول بدنيته لوحده كده و ملهوش دعوة بالتاني

زحمة موش كده

تقوم انت بأه تقول ايه

هأدور علي حد يسمعني

بس احلي حاجة أني يكون ليا أصحاب

تيجي تدور علي أصحاب تلاقي الحكاية برده زحمة

الكلية زحمة

الدنيا زحمة

الشغل برده زحمة

موش هتلاقي حد يسمعك يا حلاوة

الحياة مسدودة فوشكـ

محدش برده هيسمعكـ

طب والحل؟؟؟

ما هو أكيد فيه حل

لازم حد يسمعكـ

هتطق

هتموت

هتنتحر

هتفرقع

موش طايق نفسكـ

و موش طايق حد

و برده محدش هيسمعك

تقول أنت بأه ايه

أدخل عالنت أعيش حياة محدش يعرفني فيها

محدش هيقلي أنت بتعمل ايه

اعرف ناس جداد اكيد هألاقي حد يسمعني

تدخل عالنت يا عيني و تلاقي برده الحياة زحمة

الشاتات زحمة

المنتديات زحمة

و برده موش هتلاقي حد يسمعكـ

تلاقي الحياة كده بتطلعلك لسانها و بتقلك

أولع بجاز

و لا حد هيسأل فيكـ

طب هتعمل ايه

؟؟؟؟

هتلاقي حد فين يسمعكـ

؟؟؟

جربت الموقف ده قبل كده؟؟

جربت تحكي لنفسك

تشكي لنفسك

تفضفض لنفسك

ساعتها هتصعب عليك نفسك أوي

أنكـ

برده موش لاقي حد يسمعكـ

خلص الكلا

الكلام يعني

مرسيه اووووووووووووووي علي التوبيك فوق الرائع

فعلا تسلم ايديك يا درش ولو انها قليلة اووووووووووي

توبيك رائع جدا جدا

بجد تحفة ميرسي اوووووووووووي ليك يا درش

ماشاء الله عليك تسلم ايدك بجد