magOoOody aDministrator MAGoOoOdy
عدد الرسائل : 1207 العمر : 33 هواياتك : الصيد وكرة القدم والشعر لاعيبك المفضل : ابو تريكة ومتعب النادى المفضل : الاهلى الوظيفة : الجنسية : تاريخ التسجيل : 31/10/2008
| موضوع: قصة حب فى منتدى عشاق متعب الخميس يناير 22, 2009 1:53 pm | |
| :D
دى قصة حب على المنتدى بتاعنا
تعالوا نشوف التفاصيل ونعيش مع اصحاب القصة
الحلقة الأولى
القصة ان محمد و أسماء عضوين معانا هنا فى المنتدى
بينهم قصة حب كبيرة واتفقوا على الجواز
والمفروض ان محمد هيفاتح اهلة علشان يروح يتقدم
محمد بيكلم والدتة
محمد/ مساء الفل ياست الكل
الأم / ست الكل ؟ هو انهاردة عيد الأم؟
لا دا لسة بدرى تبقى عاوز فلوس
محمد / فلوس اية بس احنا بينا الحاجات دى برضه ؟
دا أنا جايبلك مفاجأة
اليوم اللى كنتى مستنياة من زمان
الام / خير
محمد / انا ناويت اتجوز
الام / لووووووووووووووووووووووووووووووووووول
ياألف نهار ابيض يادى السعد يادى الهنا
اخيرا سمعت كلام امك وهتتجوز فاطمة بنت اختى
البت بطة دى بنت حلال و.......
محمد / بس بس بس بس بطة اية وفرخة اية
حد جاب سيرة فاطمة ؟
الام / نعم نعم ومالها بطة ان شاء الله
اوعى ياواد تكون حاطط عينك على واحدة من بتوع اليومين دول ؟
محمد / متخافيش دى محترمة جدا واهلها ناس طيبين
الام / ودى تبقى مين المزغودة ؟ وعرفتها ازاى ؟
محمد / اسمها اسماء وزميلة ليا فى المنتدى
الام / فين ؟
وانت اية اللى وداك الحتت دى ؟]
اتاريك بتتأخر برة كل يوم
محمد / بس بس بس بس
اتأخر اية المنتدى دة على النت
الام / نت ؟
هى دى البت اللى بتيجى تاخد الفلوس منك كل شهر ياموكوس ولما أسئلك تقولى فلوس النت ؟
اتاريك عمال تحول منى فلوس أول بأول
محمد / يا حجة افهمينى المنتدى دة مكان على النت بنتجمع فية وبنتكلم مع بعض كلنا
وبنكتب مواضيع كتير انتى مش بتشوفينى بقعد بالساعات على الكمبيوتر ؟
الام / واية يابنى اللى دخل الكمبيوتر فى الموضوع دلوقت ؟
محمد / وبعدين بقى
منا بكون قاعد الوقت دة كلة فى المنتدى معاها
الام / معاها ودى فين ابوها اللى سايبها تخرج وتقعد معاك الوقت دة كلة ؟
محمد / انا بكون هنا فى بيتنا وهى فى بيتها وبنتكلم على النت
الام / وانت شايفها كويسة البت دى ؟
محمد / بقولك محترمة جدا و بتحبنى جدا
دى بتشارك فى كل مواضيعى اللى بكتبها
وكاتبة بحبك فى التوقيع بتاعها وخرجتنى من لعبة السجن 5 مرات قبل كدة
الام / سجن ؟ يالاهوى
وانت اية اللى كان دخلك السجن يا واد
ومخبى علينا ؟ وكمان 5 مرات
اكيد اتخانقت فى الشارع بسبب الست هانم
محمد / دى لعبة والله على المنتدى وكل مرة كانت بتيجى وتخرجنى
الام / بتخرجك من السجن
هى محامية ؟ ومالها بطة بنت خالتك ماهى معاها دبلوم تجارة قد الدنيا
وست بيت شاطرة ومش بتاعة اقسام ولا سجن
محمد / يادى النيلة انا مش هعرف افهمك حاجة خالص
الام / ان شالله عنك مافهمتنى ياموكوس
انا فاهمة كل حاجة
يلا ياد هاتلى قناة الحكايات علشان اسمع المسلسل
ولما يبقى يجى ابوك يبقى يتصرف معاك
قال مش عاجباة فاطمة قال
.................................................. .................................................. ............................
دة كان الحوار بين محمد ووالدته
باقى رد فعل الأب ... وأهل اسماء
تحبوا اكمل ؟
مستنى اشوف ردود الأول
لو الموضوع عجبكوا أكمل | |
|
اسماء الاهلوية عضو سوبر فرود
عدد الرسائل : 1110 العمر : 32 الموقع : منتدى عشاق عماد متعب هواياتك : كرة القدم لاعيبك المفضل : ابو تريكة ومتعب النادى المفضل : الاهلى الوظيفة : الجنسية : وسام العضو : تاريخ التسجيل : 05/11/2008
| موضوع: رد: قصة حب فى منتدى عشاق متعب الجمعة يناير 23, 2009 4:36 pm | |
| تسلم يااحمد على القصة لما نشوف رد بابا اسماء منتظرين | |
|
دينا Moderator
عدد الرسائل : 1053 العمر : 32 هواياتك : الكتابه لاعيبك المفضل : ابو تريكة ومتعب النادى المفضل : الاهلى المزاج : الوظيفة : الجنسية : وسام العضو : تاريخ التسجيل : 19/11/2008
| موضوع: رد: قصة حب فى منتدى عشاق متعب الإثنين يناير 26, 2009 4:23 pm | |
| بجد والله جااااااااااااااااااامدة جدا مستنيه اشوف رد فعل اهل اسماء | |
|
Mr.kaka Moderator
عدد الرسائل : 1172 العمر : 34 هواياتك : كرةالـقـدم لاعيبك المفضل : kaka النادى المفضل : برشلونة المزاج : الوظيفة : الجنسية : وسام العضو : تاريخ التسجيل : 02/11/2008
| موضوع: رد: قصة حب فى منتدى عشاق متعب الإثنين يناير 26, 2009 6:01 pm | |
| هههههههههههههههههههههههههههه يا باشا باشا يا مدير اية ياض الجمال ده تسلم يا غالى
| |
|
اسماء الاهلوية عضو سوبر فرود
عدد الرسائل : 1110 العمر : 32 الموقع : منتدى عشاق عماد متعب هواياتك : كرة القدم لاعيبك المفضل : ابو تريكة ومتعب النادى المفضل : الاهلى الوظيفة : الجنسية : وسام العضو : تاريخ التسجيل : 05/11/2008
| موضوع: رد: قصة حب فى منتدى عشاق متعب الإثنين يناير 26, 2009 10:14 pm | |
| تسلم ايدك ياحمد على القصة | |
|
دينا Moderator
عدد الرسائل : 1053 العمر : 32 هواياتك : الكتابه لاعيبك المفضل : ابو تريكة ومتعب النادى المفضل : الاهلى المزاج : الوظيفة : الجنسية : وسام العضو : تاريخ التسجيل : 19/11/2008
| موضوع: رد: قصة حب فى منتدى عشاق متعب الجمعة فبراير 06, 2009 1:20 pm | |
| ايه يا احمد عاوزين بقيه القصة ولا انت شكلك بتعلقنا ولا ايه | |
|
عاشقه احمد فتحى عضو جديد
عدد الرسائل : 22 هواياتك : متابعه كره القدم..والشعر لاعيبك المفضل : احمد فتحى وتريكه ومتعب النادى المفضل : الاهلى طبعا الوظيفة : الجنسية : تاريخ التسجيل : 24/06/2009
| موضوع: رد: قصة حب فى منتدى عشاق متعب السبت يونيو 27, 2009 9:30 pm | |
| التوبيك روعه يا قمر...بجد جميل جدااااااااا نفسى اعرف باقى الحكايه يا ريت تكتبها بقى | |
|